"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Kənd turizminin inkişafı məqsədilə kənd sakinləri ilə görüş keçirilmişdir

26 iyul 2023-cü il tarixdə Şahbuz rayonunun Kükü kəndində kənd turizminin inkişafı məqsədilə kənd sakinləri ilə görüş keçirilmişdir. Tədbirdə giriş sözü ilə çıxış edən Şahbuz Rayon İcra Hakimiyyətininİctimai – siyasi və humanitar məsələlər üzrə müdir müaviniCəlal Paşayev bildirmişdir ki,muxtar respublikada dövlət səviyyəsində turizm sahəsinə göstərilən diqqət və qayğı bu sahənin inkişafına əsaslı təsir etmişdir. Bu gün muxtar respublikanın ən ucqar dağ kəndlərinə belə, rahat asfalt yollar salınmış, su xətləri çəkilmiş, müasir infra­struktur obyektləri tikilmiş, fasiləsiz təbii qaz, elektrik enerjisi, rabitə xidməti və sürətli internet şəbəkəsi istifadəyə verilmişdir.

Vurğulanmışdır ki,çox geniş yayılmış kənd turizmi üçün muxtar respublikanın bütün kəndlərində müasir tələblərə cavab verən yüksək şərait vardır. Tarixinin qədimliyi, təbiətinin rəngarəngliyi, mətbəxinin zənginliyi və insanlarının qonaqpərvərliyi kimi müsbət keyfiyyətləri bu kəndlərdə kənd turizminin geniş inkişaf imkanlarından xəbər verir. Əhalinin həyat səviyyəsinin və məşğulluğunun yüksəldilməsi nəticəsində komfortlu həyat tərzinə keçid də sürətlənir ki, bu da xüsusən isti yay günlərində öz tətilini səfalı dağ kəndlərində keçirmək istəyənlərin sayını artırır.

Ardını oxu...

Azərbaycan Respublikasının Dövlət Turizm Agentliyi tərəfindən 8-11 iyun 2023-cü il tarixlərdə Şəki rayonunda “Ölkədəki təbiət və dağ bələdçilərinin peşəkarlığının artırılması üzrə təlim düşərgəsi” təşkil olunmuşdur.

Azərbaycan Respublikasının Dövlət Turizm Agentliyi tərəfindən 8-11 iyun 2023-cü il tarixlərdə Şəki rayonunda “Ölkədəki təbiət və dağ bələdçilərinin peşəkarlığının artırılması üzrə təlim düşərgəsi” təşkil olunmuşdur. Həmin təlim düşərgəsində Naxçıvan Muxtar Respublikasının Turizm Departamentinin əməkdaşı Orxan Cəfərov iştirak etmiş və yüksək nəticə göstərərək sertifikatla təltif olunmuşdur. Naxçıvan Muxtar Respublikasının Turizm Departamenti olaraq qeyd olunan təlimdə nailiyyət əldə etmiş əməkdaşımızı təbrik edir, gələcək fəaliyyətində uğurlar arzulayırıq. Qeyd edək ki, təlimlər təməl dağçılıq və bələdçilik, zəhərli ilanlar və həşəratlar, təbiətdə ilk yardım, Azərbaycan florası və göbələklər, quş müşahidəsi və səmtimüəyyənetmə olmaqla mütəxəssislər tərəfindən keçirilmişdir.

Kənd turizminin inkişafı məqsədilə maarifləndirici görüş keçirilmişdir.

7 iyun 2023-cü il tarixdə Ordubad rayonunun Biləv kəndində kənd turizminin inkişafı məqsədilə Ordubad rayon Biləv kənd sakinləri ilə görüş keçirilmişdir. Tədbirdə çıxış edən Ordubad rayon İcra Hakimiyyəti başçısının Biləv kənd inzibati ərazi dairəsi üzrə nümayəndəsi İqbal Hüseynov bildirmişdir ki, çox geniş yayılmış kənd turizmi üçün muxtar respublikanın bütün kəndlərində müasir tələblərə cavab verən yüksək şərait vardır. Tarixinin qədimliyi, təbiətinin rəngarəngliyi, mətbəxinin zənginliyi və insanlarının qonaqpərvərliyi kimi müsbət keyfiyyətləri bu kəndlərdə kənd yaşıl turizminin geniş inkişaf imkanlarından xəbər verir. Əhalinin həyat səviyyəsinin və məşğulluğunun yüksəldilməsi nəticəsində komfortlu həyat tərzinə keçid də sürətlənir ki, bu da xüsusən isti yay günlərində öz tətilini səfalı dağ kəndlərində keçirmək istəyənlərin sayını artırır.
Daha sonra Naxçıvan Turizm İnformasiya Mərkəzinin direktoru Saleh Quluyev çıxış edərək bildirmişdir ki, muxtar respublikada dövlət səviyyəsində turizm sahəsinə göstərilən diqqət və qayğı bu sahənin inkişafına əsaslı təsir etmişdir.

Ardını oxu...

İstehsalat təcrübəsini başa vuran tələbələrlə görüş keçirilmişdir

31 may 2023-cü il tarixdə Naxçıvan Muxtar Respublikasının Turizm Departamentində istehsalat təcrübəsini başa vuranNaxçıvan Dövlət Universitetinin “Turizm və otelçilik” ixtisası üzrə təhsil alan IV kurs tələbələri iləgörüş keçirilmişdir.
Naxçıvan Muxtar Respublikası Turizm Departamentinin Statistika və sertifikatlaşdırma sektorunun müdiri Süleyman Rüstəmov çıxış edərək tədbir iştirakçılarına istehsalat təcrübəsinin gedişi haqqında ətraflı məlumat vermişdir. Bildirmişdir ki, 17 fevral 2023-cü il tarixdən Naxçıvan Dövlət Universitetinin “Turizm və otelçilik” ixtisası üzrə təhsil alan IV kurs tələbələri üçün Naxçıvan Muxtar Respublikasının Turizm Departamentində və departamentin tabeliyində fəaliyyət göstərən müəssislərdə eləcə də muzeylərdə, mehmanxanalarda istehsalat təcrübəsinin keçirilməsi təşkil olunmuşdur. Təcrübə ərzində tələbələr ölkəmizdə, o cümlədən muxtar respublikamızda həyata keçirilən dövlət turizm siyasətinin məqsədi və bu sahədə qazanılmış uğurlar haqqında biliklərə yiyələnmiş, turizm fəaliyyəti ilə məşğul olan obyektlərin çoxşaxəli fəaliyyəti ilə yaxından tanış olmuşlar.

Ardını oxu...

Tələbələrin istehsalat təcrübəsi davam edir

26 aprel 2023-cü il tarixdə Naxçıvan Dövlət Universitetinin “Turizm və otelçilik” ixtisası üzrə təhsil alan IV kurs tələbələri istehsalat təcrübəsi müddətində “Saat Meydanı” Hotelinin fəaliyyəti ilə yaxından tanış olmuşlar. Tədbirdə Naxçıvan Muxtar Respublikası Turizm Departamentinin Statistika və sertifikatlaşdırma sektorunun müdiri Süleyman Rüstəmov çıxış edərək bildirmişdir ki, turizmdə yerləşdirmə xidməti səfərin ən əhəmiyyətli komponentlərindən biridir. Müstəqilliyimizin bərpasından sonra muxtar respublikamızda infrasruktur quruculuğu sahəsində atılan qətiyyətli addımlar turizmin inkişafına mühüm zəmin yaratmışdır. Artıq müasir Naxçıvan öz qonaqlarını yeni dövrün tələblərinə uyğun fəaliyyət göstərən mehmanxanalarda qarşılayır.

Qeyd olunmuşdur ki, bu gün muxtar respublikada turizm sektoru sürətlə inkişaf etdirilir, müasir tələblərə cavab verən turizm obyektləri yaradılır. Zaman keçdikcə təbii amillərin təsirindən böyük dağıntılara və aşınmalara məruz qalan tarix-memarlıq abidələri əsaslı şəkildə bərpa olunaraq əvvəlki görkəminə qaytarılır.

Ardını oxu...

Tələbələrə “Peşəkar bələdçi” təliminin I və II modulları keçirilmişdir

Naxçıvan Muxtar Respublikasının Turizm Departamenti tərəfindən tərtib edilmiş qrafikə uyğun olaraq istehsalat təcrübəsi müddətində Naxçıvan Dövlət Universitetinin “Turizm və otelçilik” ixtisası üzrə təhsil alan IV kurs tələbələrinə 6 və 7 aprel 2023-cü il tarixlərində “Peşəkar bələdçi” təliminin I və II modulları keçirilmişdir. Təlimlər Naxçıvan Muxtar Respublikası Turizm Departamentinin Statistika və sertifikatlaşdırma sektorunun müdiri, Azərbaycan Turizm Bələdçiləri Assosiasiyasının “Peşəkar bələdçi şəhadətnaməli” təlimçisi Süleyman Rüstəmov tərəfindən keçirilmişdir. Təlimin I modulunda məruzəçi bildirmişdir ki, keçirilən təlimlərin əsas məqsədi peşənin imicini artırmaq, bu sahə üçün yeni insan resurslarını müəyyənləşdirmək və tələbələrə bələdçilik fəaliyyətinin mahiyyətini aşılayaraq peşəni sevdirməkdən ibarətdir.
Təlimçi tələbələrə ilkin səyahətlərin yaranması, Azərbaycanda turizmin qısa tarixi, ekskursiyanın mahiyyəti, ekskursiya zamanı məntiqi təfəkkür qanunlarından istifadə haqqında məlumat vermişdir. Qeyd olunmuşdur ki, bələdçilik fəaliyyəti yeni qəbul olunmuş “Turizm haqqında qanun”un müvafiq maddəsi ilə tənzimlənən sahəyə çevrilmişdir.

Ardını oxu...

01025171
Bu gün
Dünən
Bu həftə
Bu ay
Ümumi
352
190
907
4404
1025171

Tarix: 12-06-2024
Biz, sosial şəbəkələrdə: