"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

 

 

 

 

Naxçıvan-Əshabi-Kəhf-Naxçıvan marşrutu açılıb

May ayının 18-də Naxçıvan-­Əshabi-Kəhf-Naxçıvan marşrutu açılıb. Naxçıvan Muxtar Respublikası Dövlət Nəqliyyat Xidmətinin sektor müdiri Natiq Həsənovdan aldığımız məlumatda bildirilib ki, Naxçıvan Muxtar Respublikası Ali Məclisi Sədrinin diqqət və qayğısı nəticəsində bu gün muxtar respublikada əldə olunan dinamik inkişaf digər sahələr kimi, nəqliyyat sahəsinə də öz müsbət təsirini göstərib, bu istiqamətdə həyata keçirilən tədbirlər insanların rahatlığının təmin edilməsinə əlverişli şərait yaradıb. 
O qeyd edib ki, qədim inancları, möcüzəvi sirləri özündə yaşadan “Əshabi-Kəhf Ziyarətgahı” Dini-Mədəni Abidə Kompleksinə getmək istəyən çoxsaylı turistlərin, zəvvarların, qonaqların, eləcə də muxtar respublika sakinlərinin rahat gediş-gəlişini təmin etmək məqsədilə yeni Naxçıvan-Əshabi-Kəhf-Naxçıvan marşrutu fəaliyyətə başlayıb. Marşrut hər gün 2 reys olmaqla, saat 8:30 və 14:00-da Naxçıvan şəhərindəki avtovağzaldan Əshabi-Kəhfə, saat 12:00 və 17:00-da isə “Əshabi-Kəhf Ziyarətgahı” Dini-Mədəni Abidə Kompleksindən əks istiqamətə yola düşəcək. Sərnişin sıxlığı nəzərə alınaraq həftənin şənbə və bazar günləri dörd reys həyata keçiriləcək. Muxtar respublikaya gələn qonaqların bu marşrutdan səmərəli istifadə etmələri üçün “Təbriz” və “Grand” otellərinin, eləcə də “Cahan” Ticarət Mərkəzinin qarşısında avtobusların dayanacaq yerləri müəyyən olunub.

Ardını oxu...

Turizmin inkişafı diqqətdə saxlanılır

Naxçıvan Muxtar Respublikası Turizm Departamenti aprel ayında fəaliyyətini qarşıya qoyulmuş vəzifələrin icrası istiqamətində qurub. Bu dövrdə Naxçıvan Dövlət Universiteti və “Naxçıvan” Universitetinin Turizm və otelçilik ixtisasları üzrə III kurs tələbələrinin 15 aprel 2019-cu il tarixdən mehmanxanalarda istehsalat təcrübəsi keçmələri təşkil olunub.

“İdeyadan başlanğıca” devizi altında layihələrin qəbul edilməsi məqsədilə Turizm Departamentində ekspert qrupu yaradılıb.Aprelin 30-da Naxçıvan Turizm İnformasiya Mərkəzində “Turizm sahəsində startapların hazırlanması” mövzusunda Naxçıvan Dövlət və “Naxçıvan” universitetlərində Turizm və otelçilik ixtisasları üzrə təhsil alan tələbələrlə görüş keçirilib.

Ardını oxu...

Nəzəri biliklər istehsalat təcrübəsi ilə təkmilləşdirilir

Naxçıvan Dövlət Universiteti və “Naxçıvan” Universitetinin Turizm və otelçilik ixtisasları üzrə III kurs tələbələrinin 15 aprel 2019-cu il tarixdən 31 may 2019-cu il tarixədək Naxçıvan Muxtar Respublikasının Turizm Departamenti tərəfindən mehmanxanalarda, muzeylərdə və turoperatorlarda istehsalat təcrübəsi keçmələri təmin edilir. Tələbələr müəyyən edilmiş qrafikə uyğun olaraq mayın 3-dən Gəmiqaya Turizm Agentliyində turoperatorun iş prosesi ilə yaxından tanış olublar. Burada tələbələrə turizm məhsulunun formalaşdırılması, işlənib hazırlanması, hərəkətə gətirilməsi və satışının təşkili haqqında ətraflı məlumat verilib. Həmçinin turoperatorların iş funksiyası, müştərilərin turlara olan tələbatlarının öyrənilməsi, xidmət proqramlarının hazırlanması, turoperatorların xidmət təminatçıları olan yerləşdirmə, qidalanma obyektləri, ayrı-ayrı nəqliyyat sahibləri ilə etdiyi əməkdaşlıq və bu sahədə bağlanmış müqavilələr haqqında da danışılıb. Turoperatorlar tərəfindən vətəndaşların xarici ölkələrə göndərilməsi və həmin ölkələrdə onların turizm xidmətləri ilə təmin edilməsi, həmçinin xarici turistlərin ölkəmizdə qəbulu və onlara turizm xidmətlərinin göstərilməsi, eləcə də muxtar respublika ərazisində daxili turizm xidmətlərinin təşkili haqqında tələbələrə ətraflı məlumat verilib.

Təcrübənin sonunda tələbələri maraqlandıran suallar cavablandırılıb.

“Naxçıvan-2019” Beynəlxalq Şahmat Festivalının açılış mərasimi keçirilib

Mayın 1-də Naxçıvan Dövlət Musiqili Dram Teatrında ümummilli lider Heydər Əliyevin anadan olmasının 96-cı ildönümünə həsr olunmuş “Naxçıvan-2019” Beynəlxalq Şahmat Festivalının açılışı olmuşdur.
Əvvəlcə festival iştirakçıları ümummili liderimiz Heydər Əliyevin abidəsini ziyarət edərək ehtiramlarını bildirmiş, Heydər Əliyev muzeyinə gələrək dahi şəxsiyyətin həyatı, siyasi və dövlətçilik fəaliyyəti ilə bağlı eksponatlara baxmışlar.

Naxçıvan Muxtar Respublikası Ali Məclisinin Sədri Vasif Talıbov, Azərbaycan Respublikasının Gənclər və İdman naziri Azad Rəhimov, Azərbaycan Şahmat Federasiyasının Prezidenti Elman Rüstəmov və Türkiyə Respublikası Şahmat Federasiyasının prezidenti, Beynəlxalq Şahmat Federasiyasının vitse-prezidenti Gülkız Tülay açılış tədbirində iştirak etmişlər.

Ardını oxu...

Tələbələr turoperatorlarda istehsalat təcrübəsi keçirlər

Naxçıvan Muxtar Respublikası  Ali  Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamına uyğun olaraq Departamentə hamiliyə verilmiş Naxçıvan Dövlət Universiteti və “Naxçıvan” Universitetinin Turizm və otelçilik ixtisasları üzrə təhsil alan III kurs tələbələrinin istehsalat təcrübəsi keçmələri təşkil olunur. Departamentin təşkilatçılığı ilə təşkil olunmuş təcrübə çərçivəsində tələbələr Şəms Turizmdə olublar.

Ardını oxu...

“Turizm sahəsində startapların hazırlanması” mövzusunda görüş keçirilmişdir

Naxçıvan Turizm İnformasiya Mərkəzində “Turizm sahəsində startapların hazırlanması” mövzusunda Naxçıvan Dövlət və “Naxçıvan” universitetlərində Turizm və otelçilik ixtisası üzrə təhsil alan tələbələrlə görüş keçirilib.

Naxçıvan Muxtar Respublikası Turizm Departamentinin direktoru Əkbər Novruzov çıxış edərək bildirib ki, muxtar respublikamızda bütün sahələrdə olduğu kimi, turizmin inkişafı sahəsində də mühüm tədbirlər həyata keçirilir.

Vurğulanıb ki, muxtar respublikada son illərdə turizmin davamlı inkişafını təmin edən sərəncamların imzalanması, güclü turizm infrastrukturunun, maddi­-texniki bazanın yaradılması yüksək­ixtisaslı kadr hazırlığına qarşı ciddi tələblər qoyur.

Sonra departamentin əməkdaşı, ekspert qrupunun rəhbəri Orxan Cəfərov “Turizm sahəsində startapların hazırlanması” mövzusunda çıxış edərək bildirib ki, “İdeyadan başlanğıca” devizi altında innovasiyaya və dayanıqlı inkişafa əsaslanan, yaradıcı düşüncəni və elmi-texniki tərəqqini əks etdirən yeni layihələrin (startapların) həyata keçirilməsi məqsədilə Naxçıvan Muxtar Respublikası Turizm Departamentində ekspert qrupu yaradılıb. Ekspert qrupu tələbələrin layihələrini potensial təsirlər, biznes modeli, komanda işi, fərqlilik, yenilikçilik və dayanıqlılıq meyarları üzrə qiymətləndirəcəkdir.

Ardını oxu...

00366342
Bu gün
Dünən
Bu həftə
Bu ay
Ümumi
1
207
496
5486
366342

Tarix: 20-11-2019
Biz, sosial şəbəkələrdə: