Naxçıvan Turizm İnformasiya Mərkəzi - Naxçıvan xarici qonaqların gözü ilə

"Azərbaycanın təbiəti və Azərbaycanda
olan bütün başqa infrastruktur buna
imkan verir ki, ölkəmizə turistlər gəlsinlər"

Heydər Əliyev

.

Karadenizgazete.com.tr saytının əməkdaşı Əli Kurt: “Naxçıvan insana rahatlıq bəxş edən bir diyardır”

Ətraflı: Bölüm: Qonaqlar; Nəşr edilib 20.04.2017 07:48; Baxış sayı: 1436

Türkiyənin karadenizgazete.com.tr saytının əməkdaşı Əli Kurt muxtar respublikada səfərdə olmuşdur. O, ölkəsinə qayıtdıqdan sonra Naxçıvan haqqında məqalə yazmışdır. “Naxçıvanda 24 saat!” sərlövhəli məqalə karadenizgazete.com.tr saytında yerləşdirilmişdir. Müəllif məqalədə Naxçıvana səfərindən və burada gördüklərindən məmnunluqla bəhs etmişdir. Həmin məqaləni oxuculara təqdim edirik.

Naxçıvanda 24 saat

Bir neçə həftə əvvəl ikigünlük də olsa, Naxçıvana səfər etmək fürsətim oldu. Avtomobillə, təxminən, 9 saat yol getdikdən sonra Türkiyənin Dilucu sərhəd qapısına, oradan isə Naxçıvan Muxtar Respublikasının Sədərək gömrük-keçid məntəqəsinə çatdıq. Sədərək gömrük-keçid məntəqəsində çox sıxlıq olmasına baxmayaraq, Naxçıvan Muxtar Respublikasının müvafiq orqanlarının buradakı nümayəndələrinin bizə göstərdiyi xoş münasibət və qonaqpərvərlik diqqətimdən yayınmadı. Muxtar respublikaya daxil olmaq üçün lazım olan bütün işlər ardıcıl və sürətlə yerinə yetirildikdən sonra gömrük işçilərinin ilk xəbərdarlığı “Yol hərəkəti qaydalarına riayət edin!” oldu. Biz də bu xəbərdarlığı nəzərə alaraq yolumuza davam etdik.

Naxçıvan Azərbaycanın tərkibində muxtar respublikadır. Bu gözəl diyarda səhər yeməyini yedikdən sonra gəzintiyə çıxdıq, təbii ki, yol hərəkəti qaydalarına riayət edərək. Naxçıvan şəhərinin bütün küçə və prospektlərində piyadalar üçün xüsusi keçidlər vardır. Piyada ayağını həmin keçidin olduğu avtomobil yoluna qoyduğu zaman bütün maşınların sürücüləri ona yol verir. Şəhərdəki prospektlər olduqca genişdir. Binalarda qədim və müasir arxitekturanın izlərini görmək mümkündür. Bir sözlə, Naxçıvan insana rahatlıq bəxş edən bir diyardır.

Ardını oxu...

Mixael Kindsqrab: “Naxçıvan şəhərindəki səliqə-sahman, insanların qonaqpərvərliyi məndə xoş təəssürat yaratdı”

Ətraflı: Bölüm: Qonaqlar; Nəşr edilib 20.04.2017 07:35; Baxış sayı: 1279

Naxçıvana səfəri barədə deyib: “Mən çox şadam ki, Almaniya Federativ Respublikasının Azərbaycan Respublikasındakı fövqəladə və səlahiyyətli səfiri kimi fəaliyyətə başladığım qısa müddət ərzində Naxçıvana gəlməyə müvəffəq olmuşam. Muxtar respublikaya səfərimin məqsədi Almaniya ilə Azərbaycanın Naxçıvan Muxtar Respublikası arasında iqtisadi, təhsil və mədəniyyət əlaqələrinin daha da genişləndirmək idi. Naxçıvanda keçirdiyim yüksək səviyyəli görüşlərdə bu məsələlər ətrafında müzakirələr apardıq”.

Mixael Kindsqrab Naxçıvan Muxtar Respublikası ilə Almaniya Federativ Respublikası arasında iqtisadi əlaqələrin gələcək inkişaf perspektivləri barədə danışaraq deyib: “Ümidvaram ki, iqtisadi əlaqələrimiz daha da genişlənəcəkdir. Bu məqsədlə Bakıdakı Alman-Azərbaycan Xarici Ticarət Palatası ilə Naxçıvan Muxtar Respublikasının Bakı şəhərindəki Daimi Nümayəndəliyi arasında görüşlər keçiriləcək və iqtisadi əlaqələrin genişləndirilməsinin perspektivləri müzakirə ediləcəkdir”.

Ardını oxu...

Yerli və əcnəbi turizm şirkətlərinin təmsilçiləri: Naxçıvanla turizm əlaqələrinin inkişafında maraqlıyıq

Ətraflı: Bölüm: Qonaqlar; Nəşr edilib 14.04.2017 08:27; Baxış sayı: 1487

İnfo-tur çərçivəsində Naxçıvana gəlmiş sahibkar və turizmçilər bu fikirdədirlər

Elham Rəsulirad – İran İslam Respublikasının “Radseir” turizm şirkətinin təmsilçisi: “Naxçıvana ilk dəfədir ki, səfər edirəm. Doğrusunu desəm, bura haqqında o qədər də ətraflı məlumatım yox idi, sadəcə, gedib-gələnlərdən eşitmişdim. Bu info-turu təşkil edənlərə minnətdarlığımı bildirirəm ki, Naxçıvana gəldim və buradakı mövcud turizm potensialı ilə tanış oldum. Ümumi təəssüratlarım bundan ibarətdir ki, Naxçıvan çox təmiz havasına, gözəl iqliminə, xoş mənzərəsinə və qonaqpərvərliyinə görə turistlərin sevdiyi məkandır. Biz Naxçıvanın dağlıq ərazilərində yerləşən turizm obyektlərində olduq, ətrafı seyr etdik. Bir sözlə, deyə bilərəm ki, hər bir iş böyük zövqlə və mükəmməl görülüb. Eyni zamanda naxçıvanlıların istiqanlılığı, qonaqpərvərliyi bura olan marağı daha da artırır. Buna görə də gələcəkdə Naxçıvana səyahət turlarının təşkil olunması istiqamətində əməkdaşlığımızı davam etdirmək niyyətindəyik”.

Ardını oxu...

Naxçıvanın zəngin təbiəti, əzəmətli tarixi abidələri İnfo-tur çərçivəsində Naxçıvana gəlmiş sahibkar və turizmçiləri heyrətləndirib

Ətraflı: Bölüm: Qonaqlar; Nəşr edilib 13.04.2017 09:59; Baxış sayı: 1427

Ruslan Quliyev – Azərbaycan Sağlamlıq və Termal Turizmə Dəstək Assosiasiyasının sədri: “Bizim qurumun əsas məqsədi, adından da göründüyü kimi, ölkəmizdə sağlamlıq və termal turizmə dəstəyi özündə əks etdirir. Duzdağ Fizioterapiya Mərkəzi də Naxçıvanın turizm potensialında mühüm əhəmiyyəti ilə seçilən yerlərdən biridir. Hər il bura dünyanın müxtəlif ölkələrindən bronxial-astma xəstəliyindən əziyyət çəkən xeyli insan gəlir. Burada yaradılmış infrastruktur imkan verir ki, bu məqsədlə muxtar respublikaya üz tutan turistlərin sayı daha da çox olsun. Qeyd edim ki, bu ildən başlayaraq biz Pribaltika ölkələrində bu mərkəzin tanıdılması istiqamətində işlərə başlayacağıq. Bundan əlavə, Naxçıvanın hərtərəfli inkişafı, burada həyata keçirilən quruculuq və abadlıq tədbirləri muxtar respublikaya turist axınının artmasına imkan verir. Ümid edirik ki, qarşıdakı illərdə biz bunun şahidi olacağıq”.

Ardını oxu...

Tur-aksiya iştirakçıları: “Naxçıvanın möhtəşəm tarixi abidələri, inkişafı, buradakı abadlıq, təmizlik hər birimizi heyran etdi”

Ətraflı: Bölüm: Qonaqlar; Nəşr edilib 28.03.2017 00:10; Baxış sayı: 1316

“Ölkəmizi tanıyaq” devizi altında keçirilən tur-aksiya çərçivəsində Naxçıvanda olan məktəblilər muxtar respublikadan zəngin təəssüratlarla ayrıldıqlarını vurğuladılar.

Bakı şəhərinin Suraxanı rayonundakı 278 nömrəli tam orta məktəbin şagirdi Xəyal Hacıyev:

– Mən Naxçıvan barədə ancaq kitablardan, kütləvi informasiya vasitələrindən nəsə eşidir, öyrənirdim. Bilirdim ki, Naxçıvan qədim tarixə malik diyarımızdır. Lakin atalarımız demişkən, yüz dəfə eşitməkdənsə, bir dəfə görmək daha yaxşıdır. Dörd gün ərzində gəzib-gördüklərimiz indiyəcən bu torpaq haqqında eşitdiklərimdən qat-qat artıq oldu. Bura, doğrudan da, müqəddəs torpaqdır. Naxçıvanın inkişafı, buradakı abadlıq, təmizlik hər birimizi heyran etdi. Gəzinti əsnasında muxtar respublikanın rayonlarında fəaliyyət göstərən məktəblərə də baş çəkdik. Həmin məktəblərdə olan şərait, avadanlıqlar da bizi heyrətləndirdi. Bu məktəblər ölkəmizin paytaxtında fəaliyyət göstərən təhsil ocaqları kimi müasirdirlər.

Ardını oxu...

Tur-aksiya iştirakçısı: Naxçıvandakı təmizlik, abadlıq və səliqə-sahman insanı valeh edir

Ətraflı: Bölüm: Qonaqlar; Nəşr edilib 20.03.2017 00:54; Baxış sayı: 1205

Tur-aksiya iştirakçısı: Naxçıvandakı təmizlik, abadlıq və səliqə-sahman insanı valeh edir Qədim Naxçıvan diyarı gözəlliyi ilə göz oxşayır. Bu diyarda çox gözəl infrastruktur yaradılıb, kəndlər və şəhərlər abadlaşdırılıb. Naxçıvanın yaşıllığı, təmizliyi, abadlığı və səliqə-sahmanı insanı valeh edir.

Bu sözləri “Ölkəmizi tanıyaq” maarifləndirici tur-aksiyası çərçivəsində Naxçıvanda səfərdə olmuş Bakının Nərimanov rayonundakı “Tərəqqi” texniki-humanitar liseyinin müəllimi Bircəxanım Aydınova deyib.

O qeyd edib ki, Naxçıvandakı elm ocaqlarında hər cür şərait yaradılıb. Naxçıvan Dövlət Universitetinin timsalında bunu daha aydın görmək olar. Universitetin çox gözəl kampusu, maddi-texniki imkanları var. Burada təhsilin yüksək səviyyədə aparılması üçün hər cür şərait yaradılıb. Muxtar respublikanın rayonlarında olarkən tam orta məktəblərdə də təhsilin yüksək səviyyədə aparılması üçün maddi-texniki bazanın yaradıldığının şahidi olduq. Həmin təhsil ocaqlarında quraşdırılan elektron lövhələr vasitəsilə interaktiv dərslərin keçirildiyini gördük. Naxçıvan məktəblərində yaradılan şərait Bakıdakı məktəblərdən heç də geri qalmır.

Ardını oxu...