Naxçıvan Dövlət Universitetinin “Turizm və otelçilik” ixtisası üzrə III kurs tələbələri Naxçıvan Turizm İnformasiya Mərkəzində olublar

Ətraflı

Bölüm: Xəbər məlumatı

Nəşr edilib 10.05.2017 11:35

Baxış sayı: 1950

Mayın 10-da Naxçıvan Dövlət Universitetinin “Turizm və otelçilik” ixtisası üzrə təhsil alan III kurs tələbələri Naxçıvan Muxtar Respublikası Mədəniyyət və Turizm Nazirliyində təcrübə keçmə qrafikinə uyğun olaraq Naxçıvan Turizm İnformasiya Mərkəzində oldular.

Naxçıvan Turizm İnformasiya Mərkəzinə gələn tələbələrə mərkəzin  direktoru Gülnarə Sadiqova Naxçıvan Muxtar Respublikasının turizm potensialı haqqında, Naxçıvan Turizm İnformasiya Mərkəzinin yaradılması və fəaliyyəti, gördüyü işlər haqqında və mərkəzin yerləşdiyi tarixi abidə - Zaviyə-Mədrəsə binası haqqında tələbələrə geniş məlumat verdi.

Bildirib ki, elektron resurslardan səmərəli istifadə olunması turizmin inkişafında başlıca rol oynayır. Naxçıvanda bu istiqamətdə də ardıcıl tədbirlər görülür. Naxçıvan Turizm İnformasiya Mərkəzinin fəaliyyətə başlaması bu yöndə sistemli işlərin görülməsini təmin edilib. Mərkəz turizm obyektlərinə marşrutlar təşkil etməklə yanaşı, internet saytı və sosial şəbəkələr üzərindən də təbliğat işlərini yerinə yetirir.

Sonra tələbələr mərkəzdə olan eksponatlarla və əyani vəsaitlərlə tanış oldular. Tələbələri maraqlandıran suallar ətraflı cavablandırıldı. Tövsiyyə olundu ki, istədikləri zaman mərkəzə müraciət edib və onlara lazım olan məlumatları əldə edə bilərlər.

Mərkəzə gələn tələbələr verilən məlumatlardan razı qalaraq, mərkəzdən ayrıldılar.      

• < Geri
• İrəli >